សូរសៀងសារស័ព្ទស្រែកក្អេងក្អាង ប្រាប់អ្នកជិតខាងដោយអំណួត
ថាខ្ញុំជាតិនេះស្អប់អ្នកអួត ពួកអ្នកឆ្កួតៗស្តីរឿងគេ ។
អ្នកស្តាប់ភ្លេចគិតចិត្តសរសើរ គាត់នេះគ្រាន់បើអ្វីម្ល៉េះទេ
និយាយត្រឹមត្រូវគិតគ្នាន់គ្នេរ គួរអញរិះរេរៀនធ្វើតាម ។
តែបើស្តាប់ហើយគិតឲ្យល្អិត ពិចារពីចិត្តនឹងឃើញស្នាម
ប្រាប់នេះស្អប់នោះច្រឡោមខាម ឯងសគេដាមដោយទឹកខ្មៅ ។
តើនេះពិតជាអ្នកត្រឹមត្រង់ អ្នកផ្ចិតគិតផ្ចង់សព្វក្នុងក្រៅ
ឬអ្នកមាត់ទេពចិត្តពាលខ្លៅ រស់ក្នុងក្រយៅអួតប្រយោល …?
ថ្ងៃទី០៤ ខែតុលា ឆ្នាំ២០០៩
ស្នេហ៍ហាទាន់សម័យ...ហាស 
ហិហិ! នេះបានចំជា អ្នកពូកែគិតមែន!
មិនហ៊ានទទួលទេៗ…ព្រោះវាគ្រាន់តែជាគំនិតកូនក្មេងប៉ុណ្ណោះ